شخصية العام

اختارت مجلة تايم الأميركية الرئيس الروسي فلاديمير بوتين شخصية العام 2007. وأوضحت المجلة خيارها بأن بوتين "فرض الاستقرار في دولة نادرا ما عاشته، وأعاد روسيا إلى ساحة القوى العظمى في العالم". وهم يقصدون بهذا الدمار الذى عاشتة ورسيا فى فترة الاشتراكية وتكملة لما بداة نيكيتا خروتشوف الذى شائت الظروف انة نفسة قد تم اختيارة من قبل كشحصية عام 1957و سقتصر هنا على الرد على على المقولة التى تقول بدمار روسيا فى فترة الاشتراكية وفى نفس الوقت ابراز شحصية عام 2007 الحقيقية
الاتحاد السوفيتى والاشتراكية المنحرفة
منذ سقوط جدار برلين وتفكك الاتحاد السوفيتى تم توجية تهم وافتراءات لايدلوجية الاشتراكية الا اننا نرد ان الاشتراكية لم ولن تسقط بسقوط جدار بارلين وانما الاتحاد السوفيتى لم يكن ابدا اشتراكي بعد لنين فما فعلة ستالين خيانة للاشتراكية التى تقوم على حكم الاغلبية لصالح الاغلبية فستالين استبدل الاشتراكية بما اسماة المناضل الثورى تونى كليف براسمالية الدولة فبالتالى فالاستغلال هنا بدل من ان يكون من جانب الراسمالى كانت تقوم به البيروقراطية الاستالينية فبعد اختراع ما اسماة ستالن بالاشتراكية فى بلد واحد اصبح واجب علية ان ينافس باقى الدول الاخرى والمنافسة هى جوهر الراسمالية وبالتالى كان هو وحزبة يضغطوا على الطبقة العاملة والشعب الروسى كلة لاجل الانتصار فى تلك المنافسة مرددين نفس كلمة الراسمالين التراكم ..التراكم (ولا اريد التطويل فى الحديث عن عصر ستالين لانى سافرد لة بوست خاص كما انى هنا اتكلم اثاثا عن شخصية العام)
وسيقول البعض بان عصر لينين ايضا كان ملى بالازمات والفقر والقحط والحروب الاهلية والخاريجيه وهذا هو طرح الاشتراكية وثمارها!!
ان لينين والبلاشفة كلهم كانوا من اصدق الناس الذين يريدون تحقيق الاشتراكية الحقه وبالتالى كان هذا الحزب الاقوى والاكثر جذرية فى الصراع وبالتالى الاصدق تجاة لجماهير الا ان الراسمالية عندما فقدت سلطتها بعض الثورة ابت ان تتركها بدون مقاومة وبالتالى حدثت الحرب الاهلية بين البروليتاريا والثورة المضادة وهذا شى طبيعى لن راس المال لن يترك سلطته وسطوته بسهولة ومن ناحية اخرى ساعدت الدول الراسمالية الثورة المضادة وحاربت هى نفسها الجيش الاحمرلااعتقد ان دولة تكون بها حروب خارجية واخرى اهلية ولا يحدث فيها ازمة اقتصادية وبالتالى كان القحط وعلية فان القحط صناعة الراسمالية والثورة المضادة وليست البروليتاريا او البلاشفة
شخصية عام 2007 الحقيقية
ان عام 2007 عام يمتلى بالاحداث فى كل دول العالم تقريبا فى الشرق الاوسط وصراعة مع قوى الامبريالية وماحدث فى اتركيا من صعود حزب العدالة وما حدث فى فنزولا الى انة لا يزال اهم حدث هو ما فعلته الطبقة العاملة المصرية فى عام 2007 وبالتالى فان العامل المصرى (البروليتاريا) هو رجل عام 2007 الحقيقى لن ما حققوة يمكن ان يسجل فى موسوعة الارقام القياسية وهى
الاضرابات والاعتصامات عن شهر مارس 2007
1- اعتصام عمال شركة السيوف للغزل والنسيج – (بالاسكندرية 3 ايام )2- اعتصام اطباء وصيادلة –المصل واللقاح (هيئة المصل واللقاح )3- اضراب عمال شركة الدلتا للغزل والنسيج – ( بطنطا )4- عمال شركة بوليفار – (الشركة العربية للغزل والنسيج بالاسكندرية )5- اعتصام ممرضات مستشفى كفر سعد 6- اعتصام ممرضات مستشفى بركة السبع – بمحافظة المنوفية 7- اعتصام عمال السكة الحديد ( على قضبان قطارات الوجه القبلى )8- اضراب عمال مصر الدولية للسراميك ( المنطقة الصناعية –قوسنا دقهلية )9- اضراب عمال مشروع مبارك لشباب الخريجين – ( بالنوبارية)10- تظاهر عربجية المنوفية ( امام ديوان عام المحافظة )11- اعتصام عمال مطاحن القاهرة والجيزة ( بالشرابية مقر الشركتين )12- اعتصام أطباء مستشفى أم المصريين ( محافظة الجيزة )
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الاضرابات والاعتصامات عن شهر ابريل 2007 1
- اعتصام عمال المطاحن جنوب وشمال القاهرة –2- اعتصام عمال مجموعة شركات ابو المكارم للصناعات النسيجية –بالمنوفية 3- اعتصام عما الشركة العربية للغزل والنسيج بوليفار – الاسكندرية 4- اعتصام عمال الترسانة البحرية بالاسكندرية 5- اعتصام العمال الموسميين (العمالة الموسمية )بشركة الحاويات بالاسكندرية 6- اعتصام عمال الطوب الرملى 7- اعتصام عمال شركة القاهرة للزيوت والصابون 8- اعتصام عمال شركة غريب لصيانة معدات النقل الثقيل – القاهرة 9- اضراب عمال ومتعهدو القمامة عن العمل بشبرا الخيمة 10- اضراب عمال مصنع الخميرة بمدينة السلام - القاهرة11- اعتصام عمال شركة شانيل الصينية بحلوان 12- اعتصام 100 عامل بإسعاف بنى سويف – بمنطقة الغمراوى 13- اعتصام عمال الشركة المصرية للصناعات النسيجية تراست بالسويس 14- اضراب سائقوا الميكروباس بالاسكندرية 15- اعتصام المعلمين بالزقازيق 16- اعتصام عمال شركة (أسيك ) لصيانة شركة اسمنت حلوان 17- اعتصام عمال شركة مصر للالبان والاغذية 18- اعتصام عمال شركة المنصورة – اسبانيا للملابس الجاهزة :19- اعتصام عمال شركة شرق الدلتا للنقل والسياحة 20- اعتصام عمال شركة اطلس للمقاولات 21- اضراب عمال ومتعهدو نظافة الجيزة والعمرانية 22- تظاهرة احتجاجية للعاملين بالطاقة الذرية – امام قصر عابدين 23- تظاهر مستخلصى الجمارك – بمحافظة السويس 24 – تظاهر متعهدوا القمامة بالجيزة 25- تظاهر عمال شركة الملاحة بالاسكندرية 26- تظاهر عمال شركة ابو المكارم للنسيج –امام مقر الشركة بالعجوزة القاهرة 27- اظاهر اصحاب محلات العباسية (لاإزالة محلاتهم لانشاء مترو الانفاق )28- تظاهر عمال ورش الموسكى بالقاهرة – لقطع تيار الكهرباء عقب الحريق 29- اعتصام خريجى قسم البريد بكلية التجارة جامعة حلوان لعدم تعينهم 30- تظاهر الفقراء امام وزارة الاسكان( للحصول على سكن مستحق لهم )31- عقود إذعان : لاجبار العاملين بعقود مؤقتة منذ 15 سنة دون ذكر الراتب بل مكافأة شهرية مخصوم منها الضرائب والتأمينات ( وزارة الرى – الهيئة العامة لمشروعات الصرف المغطى )32- عقود وهمية للمدرسين المؤقتين ببنى سويف : تقرير الجهاز المركزى ضد وزارة التربية والتعليم لارتكابها مخالفات قانونية
الاضرابات والاعتصامات عن شهر مايو 2007
1- اعتصام عمال شركة الهلباوى للبلاستيك – بالبساتين – محافظة القاهرة 2- اعتصام عمال هيئه النقل العام بالقاهرة 3- اعتصام عمال مترو الانفاق – بمحطة حسنى مبارك 4- اعتصام عمال شركة ( أجوا ) للصناعات الغذائية – بالسويس 5- اعتصام عمال شركة النصر للاسكان والتعمير –بمقر الشركة القاهرة 6- تظاهر للعاملين بمكتبة الاسكندرية – امام ديوان عام المحافظة بالاسكندرية 7- تظاهر عمال الترسانة البحرية – بالاسكندرية 8- تجدد اعتصام عمال (بوليفارا) الشركة العربية للنسيج – بالاسكندرية 9- اعتصام المضيفين الجويين بمصر للطيران – بالمقر فى مصر الجديدة 10- اعتصام مهندسى قطاع التدريب بشركة مصر للطيران 11- اعتصام العاملين ببنك التنمية الصناعية 12- اعتصام عمال الصحة – محافظة اسيوط 13- اعتصام اصحاب الورش بمحافظة العريش 14- اعتصام عمال شركة الزيوت – بالسويس 15- اضراب اطباء مستشفى الساحل – شبرا القاهرة 16- اضراب عمال شركة وبريات سمنود 17- اضراب عمال الشحن والتفريغ فى شركة السكر – بالفيوم 18- اضراب سائقوا الميكروباس بالدقهلية 19 – استمرار اعتصام عمال شركة المنصورة – اسبانيا (للاسبوع الثانى)20- استمرار اعتصام عمال الشركة العربية للطوب الرملى 21- اعتصام مهندسدسين الزراعيين – قاعة المؤتمرات – مدينة نصر ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الاضرابات والاعتصامات عن شهر يونـــــيو 2007
1- اضراب 135 من العاملين بمديرية اضرائب فى اسيوط 2- اضراب 450 عامل فى شركة بوليفار ( العربية للنسيج – بالاسكندرية )3- احتجاجات المعلمين ضد مشروع الكادر الخاص 4- اعتصام معلمو سوهاج 5- اعتصام عمال ناوربين للكاوتشوك 6- اعتصام سائقى ومساعدى قطارات مترو الانفاق 7- اعتصام عمال فندق بيراميزا – بالهرم – الجيزة 8- اعتصام 600 اسرة من اصحاب المعاشات بالمحلة –محافظة الغربية 9- مظاهرة لعمال المعاشات بغزل المحلة لصرف مستحقاتهم 10- اعتصام صحف دار التعاون – بالقاهرة 11- اعتصام سائقى التوك توك – بالمحلة الكبرى 12- اضراب مصححى الثانوية العامة – بمدينة مبارك التعليمية 13- اعتصام عمال ابو المكارم للغزل والنسيج – بمدينة السادات اتحاد عمال مصر الحر
14- اعتصام 54 عامل بمجمع الاسماعلية للغات 15- تجدد اضرابات عمال غزل شبين الكوم – منفية 16- تظاهر عمال تنمية سيناء 17- تظاهر 500 عربجى بالسويس 18- اضراب تجار الاسماك فى السويس 19- اعتصام صحفى جريدة الدستور والغد 20- اضراب عمال شركة قناة السويس للحاويات 21- تجمهر العاملين بالضرائب العقاريةفى اسيوط 22- اعتصام 57 صرافا فى سوهاج - تابع وزارة المالية 23- اعتصام المرشدين السياحيين المصريين – للغة اليابنية – لمزاحمة الاجانب لهم 24- اعتصام مدرسى التعاقد ( المتعاقدين بنظام العقد ) بالمنيا 25- اضراب مدرسى الازهر بعد استبعادهم من الكادر 26- اعتصام اساتذة الصيادلة فى الجامعة الحديثة – بالمقطم – القاهرة 27- اعتصام مدرسى طب المنصورة ( استاذ مساعد )28- استمرار اعتصام عمال ( العربية للطوب الرملى 29- استمرار اعتصام شركة المنصورة – اسبانيا – وانتهاء الازمة 30 – فصل وتشريد 1314 عامل ( 1000 منشركة الشرق الاوسط للورق - سيمو – و 150 من هيئة التدريس والعمال فى كلية الصيدلة بالجامع الحديثة و الباقى من شركة المنصورة اسبانيا و محطة الغاز بطلخا – دقهلية و شركة قناة السويس للحاويات
الاضرابات والاعتصامات عن شهر يـــــــــــــوليو 2007
1- وقفة احتجاجية لعمال غزل المحلة 2- تظاهر 450 أسرة امام الصندوق الاجتماعى 3- اعتصام عمال شركة الدلتا للغزل والنسيج – بطنطا 4- اعتصام 600 أسرة من معاشات غزل المحلة 5- تظاهر عمال الترسانة البحرية بالاسكندرية 6- اعتصام العاملين ببنك الدم بالاسماعيلية 7- اعتصام عمال ( رباط انوار السفن ) ببورسعيد 8- تجمهر عمال شركة السعدى للاخشاب 9- اعتصام عمال المصنع الكورى بالمحلة 10 – اعتصام عمال شركة السويس للاسمنت 11- اعتصام 400 من لعمالة المؤقتة بمستشفى الاقصر 12- اضراب عمال شركة صيانكو – بقطاع البترول 13- اعتصام العمال المؤقتتن بشركة مصر لتكرير البترول – بطنطا 14- اعتصام العاملين بمديرية التعليم بالسويس 15- اضراب عن الطعام - موظفى الضرائب العقارية – بسوهاج 16- اعتصام عمال تراست للكيماويات – ببوسعيد 17- تظاهر موظفى الضرائب العقارية – بأسيوط 18- اعتصام 370 عامل وموظف بالبريد 19- تظاهر أطباء الاقاليم أمام معهد ناصر – بالقاهرة 20 اعتصام خريجى معهد الصيارفة 21- اضراب عمال شركة السيوف للغزل والنسيج – العاشر من رمضان 22- اعتصام عمال المعدات التلفونية – بحلوان 23- تظاهر موظفى الطب الشرعى – امام وزارة العدل 24- اضراب 350 موظف فى مدرية اسكان و مرافق - بنى سويف 25 وقفة احتجاجية لصحفى جريدة ة نهضة مصر 26- اعتصام العاملين بمعهد التعاون الزراعى – شبرا الخيمة 27- اعتصام عمال الشركة المصرية للمطارات 28- تظاهر عمال سترو مصر لصناعة حمض الستريك امام المصفى القضائى بالدقى29- اضراب عمال فندق الميراديان هليوبولس – مصر الجديدة
هذا بالاضافة الى ملحمه المحلة الاخيرة التى سطروا فيها اسمى ايات البطولة والختام المسك باضراب موظفين الضرائب العقارية
كل هذا تجعل الاعمى والبصير يقول عن حق ان البروليتاريا المصريه عن حق رجال عام 2007

فتحية من القلب والى الامام والى الثورة

هكذا ارى الاضطهاد ضد المراه

ان اضطهاد النساء ظاهره عالميه لابد من حلها فالناس يولدون أحرارا ومتساوين في الكرامة والحقوق الا انه نتيجه ظروف معينه فان النساء فى هذا العالم حتى فى الدول المتقدمه منها لا ينلن إلا أدنى نصيب من الغذاء والصحة والتعليم والتدريب وفرص العمالة والحاجات الأخرى،وحجتهم فى ذلك افتقار النساء للثقه وانجاز العمل وعلى الرغم ان ذلك غير صحيح الاانناعلى فرض ان ذلك صحيح فان ذلك ليس لاسباب فسيولجيا عند المراه وانما هو نتاج للتربيه والعزله وانخفاض الاجر
ساركز هنا على دول العالم الثالث ومصر بالتحديد الذى تحول المجتمع فيها الى مجتمع ذكورى فان التمييز ضد المراة واضطهادها نسبته عاليه جدا فقانون العمل نفسه فى الماده 91-94 قد خفض اجازات الوضع من ثلاث مرات الى مرتين وعليه فان انجبت امراه عامله طفل ثلاث فعليهاان تعود فورا للعمل او ان تفصل!!!
هذا بالاضافه ان اجر العامله فى مصر غير مساوى لاجر العامل فمثلا فى المحله عندما يكون دخل الرجل 300 جنيه تكون العامله التى لها نفس الكفائه ونفس سنين الخدمه دخلها من 150الى 200 جنيه
وقد يضايق هذا الكلام البعض بالقول ان المراه قد اخذت حقوقها ونزلت سوق العمل بل ان اكثر الشريكات يفضلن عمل النساء عن الرجل
واجيب على ذلك بان معظم هذه الشريكات لا تفعل هذا من باب ايمانها بدور المراه فى المجتمع وحقها فى النزول لسوق العمل وانما و(ككل راسمالى هدفه الربح) فانه يتاجر بجسد المراه والا فليما يصر اصحاب هذه الشريكات على ان تكون العاملات فيها على قدر عالى من الجمال وما هى فرصه امراه لديها مهارات وقدرات عاليه وليس لديها القدر الكافى من الجمال وماذا لو كان رجلا من له تلك القدرات هل يقبل فى ذلك العمل؟!
الامر الثانى يتمثل فى عقود الزواج التى فيها اجحاف كامل للحقوق فالعقد اشبه بعقد بيع والمهر هو الثمن فالرجل بمجرد شرائه لزوجته فهو حر فيها حريه المشترى فيما اشتراه ولهذا تنتشر ظاهره ضرب الازواج فعنده احساس عميق بانها ليست ذو قيمه فقد اشتراها فاليفعل بها ما يريد وما زاد الطينه بله استنادهم لتعريف شخص لا اعرفه للمعنى الفقهى للزواج بانه استمتاع الرجل بالمراه !!
حق تطليق الزوجه لنفسها شرط مهم واساسى فى رجوع البنيه الاساسيه فى اى مجتمع (الاسره)الى المضون والخروج من الشكليه وبالتالى اختفاء ظاهره اغتصاب الزوجات!!!!فكيف يرضى الرجل على نفسه ان يعاشر امراه لاتطيقه تحت غطاء كرامته كرجل !!!! وقد كان القانون يعينه على ذلك(بيت الطاعه)
الولايه والقوامه فالمراه فى مصر ليس لها اى نوع من انواع الولايه او القوامه على اولادها فمجتمعنا الذكورى يعطى هذا الحق المطلق للاب بدون حساب ومن بعده الجد او العم فابو الجد ولا تاخذه الزوجه الا فى حاله واحده عدم وجود عنصر ذكورى وهنا عليها كل فتره ان تقدم تقرير عما قامت بانفاقه بعكس الزوج الذى له الحريه فى ان يبيع ويشترى باسم ابنائه بارادته المنفرده
المنع من السفر وهذا انتهاك وجريمه انسانيه تنفرد بيها الدول المتخلفه وعلى راسها مصر فالزوج يمكن له بتليفون ان يمنع عالمه ذره من الذهاب الى مؤتمر مهم لمجرد انه عاوزها تعمله شويه ملوخيه
ومن هذا كله سواء ماذكرته او ماغفلت عن ذكره عرفنا المشكله هى اضطهاد المراه الا ان السوال منا عن الحل؟
ظهرت حركتين لمكافحه ذلك الاضهاد وهما الحركه النسوانيه والاشتراكيه الاولى ترى ان اضطهاد النساء هو نزوع الرجال للسيطره عليهم وعليه فيجب على النساء الاتحاد فى طبقه ضد الرجال فى كل الطبقات وحجتها فى ذلك ان التاريخ اغفل النساء اما الاشتراكيين(وانا معهم) فقد ردوا على ذلك بان التاريخ اغفل الجميع معادا الاغنياء الملوك والامراء والبارونات والاقطاعيين وبعض الملكات والفلسفه اذا التاريخ كتب بطريقه طبقيه وهذا يثبت وجهه نظر الاشتراكيين فى ان الصراع طبقى فاقليه من النساء والرجال تعيش على عمل الاغلبيه الساحقه من الكادحيين رجالا ونساء وان الرجال ليسوا كما تحاول الراسماليه البغيضه تصويرهم بانهم غلاظ يحتقرون النساء ويختالون بقوتهم وانما ما يفعله الرجال نتيجه اغتراب يعيشون فيه والقهر فى العمل وعليه فما يفعلونه من اضطهاد نتيجه ضعف لا قوة ومصدره النظام الراسمالى الذى يحاول بشتى الطرق ان يضلل الجميع فى ان يفتعل معارك وهميه فالرجال يضهدون النساء وليس الاغنياء يضطهدون الفقراء مع ان من الواضح جدا انه لافرق مثلا بين احمد عز فى اضطهاده لعماله وبين ايناس النجار فهل تتعرض هى لاضطهاد لكونها امراه؟ لا على العكس فهى تصدر الاوامر ويعمل تحت يدها مئات الرجال
وعندمايفشل الراسمالى فى ان يجعل المعركه الوهميه عنصريه فيمكن ان يجعلها دينيه فمثلا عندما كانت نار الفتنه مشتعله فى الاسكندريه ويدفع ثمنها الفقراء لم يتاثر بذلك كلا من ابو العينين وساويرس
ان اكثر ما تخشاه الراسماليه وهى تخطط لخلق بطاله اكثر لتواجه بها اى حركه عماليه انخراط النساء فى الانتاج وتنظيم الخدمات الاسريه اجتماعيا وعمل طبقه عماليه قويه مؤحده برجالها ونسائها قادره على الدفاع عن حقوقها وتوسيع النضال وتجذيره ليصل الى بناء الاشتراكيه
واحب ان اختم بمقوله الكسندرا كولونتاى المناضله والمفكره السوفيتيه التى شاركت فى ثورتى 1905-1917(ليس هناك شى كالثوره يدفع بجماهير النساء الى الامام)

خواطر تائهة

بعد فتره انقطاع طويلة نسبيا لعبور حاله معينه ساعدني فيها الرفيق مصطفى محمود في عبورها قررت أن أصالح مدونتي وقارئيها(ده لو حد بيقرائها أصلا) حسيت إن كل المواضيع فتتني إضراب المحلة والملحمة التي صنعتها البلوريتاريا هناك ووصل بيهم الوعى لانه يهدد ان حقوقهم لو لم تنفذ هيكون الإضراب في المحلة كلها شكلهم نويين يعملوا كوميونه او جمهورية المحلة قد ايه حسيت بتطور الوعى من ديسمبر الى الان وازاى سقف مطالبهم بيعلى لانهم عرفوا سلاحم خلاص (الاضراب)...قلت لا هتكلم عن الشباب الغرقى فى ايطاليا وازاى بعد ما فاض وطفح بيهم الكيل يرموا نفسهم فى البحر من اجل فرصه عمل اعتقد انه قارن بين انه ممكن ينجى من الغرق ويشتعل في ايطاليا واو انه اكيد هيموت من الجوع فى مصر وطبعا انا لو منهم اختار الخيارنفسه والغريب موقف المفتى اللى بيوزع فتاوى نووية لكل من عارض النظام او احرجه بداها بجلد الصحفيين نهايه بانه قال انهم طماعين جشعين ومكلفش نفسه يتكلم عن التزوير عن التعذيب عن التوريث ...الخ وكانه بيثبت انه مفتى تحت الطلب للفتاوى الجاهزه ...ولا اتكلم عن اسلام نبيه وحكم الثلاث سنوات اللى انا مش بعتبره انتصار بقدر اعتباره حفظ ماء الوجه وتغطيه باقى جرائم التعذيب والتى لا يخلى قسم او سجن الا ويكون فيه تعذيب ...والا اتكلم عن انتخابات النقابه والسلم اللى هيبقى يوم الاحد فقط ودهقابل 200جنيه زياده للصحفيين ولا بلاش علشان بعض الراديكاليين هيزعلوا ويقولوا النقابه مش معركتنا ومعركتنا تجذير الجماهير فى مكنها مش على سلم النقابه.....ولا اتكلم عن الاكراد والضربه التركيا المحتمله عليها وموقف امريكا واسرائيل المتعارضين فى تلك القضيه اسرائيل لها مصالح مع الاكراد وامريكا مصالحها مع تركيا وموقفنا منهم .... ولا عن قانون القضاه المقترح واللى بيخول لوزير العدل سلطات واسعه تقتل ما تبقى للسلطه القضائيه ده لو لسه ليها سلطه

وبعد تلك المهاترات اكتشفت انى خلاص انتهت الحاله اللى عندى وانى دلوقتى احسن كتير وخلاص راجع واحسن من الاول واوعد مدونتى وجميع قرائها بالجديد ومعا لجلد الراسماليه معا ضد تزييف الوعى واكرر شكرى لمن وقفوا معى فى محنتى الرفيق مصطفى والعزيزه ندى

...شكرا.... ..

اضراب موظفين الضرائب العقاريه

تم امس عمل اضراب مفتوح للضرائب العقاريه واعتصام فى مبنى النقابه بالجلاء وكان عدد المعتصمين اكثر من 2000وقد تم توزيع بيان من اللجنه العليا للاضراب هذا صيغته
بعد ان جفت حلوقنا فى المطالبه ومناشده والرجاء وبعد ان شبعنا من الوعود الكاذبه بحل مشكلتنا قررنا ان نسمع المسئولين اصواتنا وذلك بالاعتصامات فى مديرياتنا والاضراب عن العمل والاضراب عن التحصيل الذى نجح بنسبه 80%واليوم نبدا اعتصاما مفتوحا بمبنى الاتحاد العام لعمال مصر من منطلق ان هذا المبنى مبنى من حصيله اشتراكتنا كما ان اثاثه وسياراته من جيوبنا واعتصامنا بالاتحاد لايعنى اقرارنا بالتجاوزات التى تمت فى اخر دوره اهدرت قيمه التنظيم النقابى وجعلته غير مؤثر لدى اصحاب العمل ولدى اعضائهويعود سبب حركتنا من البدايه الى المهانه التى يحياها العاملون بمديريات الضرائب العقاريه وهم يرون اقرانهم يتقاضون حوافز تعادل 10 شهور فى الشهر على الرغم من الجهد المبذول عندنا اشق واصعب كما انهم يعانون من سؤ المقرات التى لا تصلح لاقامه المواشى كما يعنون من سؤ وتناقض وتشابك تشريعات العمل . علاوه على تعدد جهه الاشراف بين المصلحه فنيا والمحافظه ماليا وادرايا وادى هذا الى عدم وجود اشراف اصلا علاوة على ان المصلحه والمحليات اكلتا كل حقوقهم واذا كان حجه المسئولين صدور قانون الضرائب العقاريه وهذا امر يخص الدوله وتنظيم جهازها الادارى وضبط وتوحيد التشريع فان حجتنا هى احوال العاملين الذين يصرون على زياده اجورهم بديلا عن الانحراف او العمل الاخر الذى يصرف العامل عن عمله الاصلى ويهملهولذلك نلخص طلبات المعتصمين فى مطلبين بسيطين هما1. مساواة العاملين بالمديريات ماليا مع زملائهم فى المصلحه وعند صدور القانون سيكون لنا طلبات اخرى2. تنحيه اسماعيل عبدالرسول رئيس المصلحه والمجدد له بالمعاش والعدو الاول للعاملين بمديريات الضرائب العقاريه والاعتصام مفتوح حتى يتم الاستجابه لطلبتنا
اللجنه العليا لاضراب الضرائب العقاريه

آآآآآآآآآه يا مصر
و آه يا مصر
لسه فيكى كلاب و قصر
لسه فيكى وحوش
يقتلوا الأحلام
و يجيشوا الجيوش
تفتش فى الضمير
وترميكى ف نعوش
عايزين صوتك سكات
و صحوتك سبات
و نهضتك فتات
و صهوتك شتات
و قدرتك موات
يا مصر قومى
قومى
قومى
قومى و انهضى
قومى
صحى النعسانين
قومى
لجل الشقيانين
المقهورين
المحرومين
المظلومين
قومى
بلى ريق العطشانين
العاشقين
الحالمين
السابحين
قومى
من تحت الرماد
اخلعى توب السواد
قربى لينا المعاد
خرجينا من الحداد
نفسى أشوفك خضرا تانى
حارقة توب الأمريكانى
لا بسة قطنك من جديد
حالفة بالتار للشهيد
راجعة و بأسك شديد
شامخة و دماغك عنيد
توليدنا من سكاتك
تبعثينا من رقادك
عنقاء و نخرج من رمادك
قومى يالله
ما تناميش
قومى دقى ع البيبان
قومى نرجم ف الشيطان
والصهاينة
الأمريكان
و اللى باعك
و اللى خان
قومى حى على الفلاح
قومى حى على الجهاد
قومى حى على الكفاح

مؤتمر الحزب الواطى

انتهت امس المهزله المساماه مؤتمر الحزب والتى وعلى بيان الحكومه قد تم انتخاب مبارك رئيس للحزب والامر لم يكن على تلك الشاكله فقد فوجئ أعضاء المؤتمر العام التاسع للحزب الوطني بأن بطاقة الانتخابات الخاصة برئيس الحزب لم تشتمل علي اسم المرشح وإنما اكتفت بصيغة واحدة وهي: بطاقة تصويت انتخاب رئيس الحزب (أوافق - أو لا أوافق)، وهو ما أثار علامات الاستفهام لدي الحضور بأن الورقة للاستفتاء وليس الانتخاب، رغم أنه لم يقم أحد غير مبارك بترشيح نفسه لرئاسة الحزب.وما حدث ببطاقة التصويت الخاصة بانتخاب الرئيس تكرَّر في بطاقة التصويت علي أعضاء هيئة مكتب الحزب، والذي يتكون من 8 أفراد؛ حيث جاءت صيغة بطاقة التصويت كالآتي: بطاقة تصويت أعضاء مكتب أمانة الحزب (أوافق - لا أوافق). وعندما سأل أعضاء الحزب بعض المسئولين عن هذه الصيغة المبهمة رد قائلاً: إننا سنقوم بتلاوة الأسماء المرشحة علي المنصة، إلا أن أحد الأعضاء أكد أن الصياغة بهذا الشكل تأتي ضمن خطة قيادات الحزب بالإبقاء علي كل أعضاء مكتب الأمانة كما هي، وعدم حدوث مفاجآت إذا ما جرت انتخابات حقيقيةومن ناحيه اخرى جاء وجود الشاذلي ووالي باعتبارهما من رجال الحرس القديم داخل الحزب بمثابة الصدمة لرجال الحرس الجديد الذين يسيطرون علي غالبية مقاعد الأمانة العامة للحزب وضربة لرجال الحرس الجديد بقيادة أحمد عز أمين تنظيم الحزب والذي خطط لإقصاء تلك القيادات عن مواقعها في هذا المؤتمر، وقد انتخب المؤتمر أعضاء الأمانة العامة للحزب وضمت 34 عضوا بزيادة 4 أعضاء علي التشكيل القديم واحتفظ جميع الأعضاء السابقين بمواقعهم باستثناء ثروت باسيلي الذي صعد للمكتب السياسي للحزب

بالذمه ده عامل ولا التانى ده فلاح هم بيتحكوا على مين

.
ايها المواطنون مجلس الانس الكريم

في بداية الاحتفال اشكر الاخ ابراهيم

النهارده جبتكم للمناقشة في الحوار

تسمعوني و اقلكم هكذا يبقى الحوار

بس قبل الاحتدام خلو بالكو صحصحوا

حد اثناء الكلام يتنقل من مطرحه

كل عام و انتم بخير

النهارده في بلدنا أي واحدعنده حق يبدي رأيه في أي حاجه الا في السياسة .. لأ

احنا آه ديمقراطيه بس في حدود الحدود

تيجي شلة ماركسيه او مُزايد او حقود

كل عام و انتم بخير

فيه كلام عن مشكلات هم مالهم بالبلد حد جاع او حد مات كل مولود انولد

فيه تفاوت في المعاش ايوه بس الحقد عيب

والمثل بيقول يا غايش كل هدمه وليها جيب

كل عام وانتم بخير

اما شغل التنظيمات و اللي دايرين يلطموا يبعتولي وفد منهم ما اقتنعش ح افرمه

واحنا برضك عيلة وحدة والرغيف ح نقسمه يجي واحد مش فاهمني يعني ايه ح نقسمه

كل عام و انتم بخير

فامشوا احسن من سكات ع الحوار المستقيم

احنا برضك فلاحين نعرف العيب من قديم

و احنا مجتمع سلام والسلام يعني السرور

والتسامح و الزهور

و المحبة و العطور

و المباني و الاغاني

و الاماني بالبخور

و المباهج في القصور و القناعه في الكفور

و احترام الاغنياء زي شارات المرور

و الكبير يفضل كبير مهما يغلط او يغور

و الصغير مش ضروري انه يكبر او يثور

و الجعان يبوس ايديه لو يبات من غير فطور ليه؟

لأن الشكوى عيب

و النجوم غير الجذور

هكذا نبني السلام و السرور ع الناس يدور

ايها المواطنون مجلس الانس الكريم

في نهاية الاحتفال اشكر الاخ ابراهيم

يا حضرة الضابط انت كداب

واللى باعتك كداب

مش بالذل هشوفكم غير

ولا هسترجى منكم خير

انتوا كلاب الحاكم

واحنا الطير

انتو التوقيف

واحنا السير

احنا الصوت ساعة متحبوا الدنيا سكوت

احنا شعبين شعبين شعبين

شوف الاول فين والاخر فين

وادى الخط مبين الاتنين بيفوت

انتو لصوص القوت

واحنا بنبنى بيوت

انتو بعتوا الارض

بفاسها

بناسها

فى ميدان الدنيا الواسعة

فكيتوا لباسها

بانت وش وضهر

بطن وصدر

ماتت والريحه سبقت طالعه انفاسها

واحنا ولاد الكلب الشعب

احنا بتوع النضال والطريق الصعب

والضرب بالجزمه وبسن الكعب

دعوة بلوجرية للتخيييييييييييييييييط

استجابة لدعوة الواد طاهر لتخيييييييط ظباط التعذيب ولفضحهم وشرشحتهم هننشر صورة صموال اللى عذب محمد الشرقاوى السنة اللى فاتت وزى ما احنا عارفين اى ظابط من ظباط التعذيب ريحة بتطلع للاعلام بيتشيع وفى اسؤ الاحوال بيتنقل اهو لوراح حلايب يبقى يفتكرنا هناك
المضحك بقى انة عمال يتصور وبيخبى وشة من الكاميرات ال يعنى توم كروز
يسارى مصرى عاملة لوحات وحسام الحملاوى عاملة فيديوهات
الملف الاخضر
اية البصة دى ....امال المجرمين شكلهم اية
دارى العيون دارى
الصور منقولة من :
محمد الطاهر................http://www.egymasr.com/
يسارى مصرى ....................http://masr-heya-ommi.blogspot.com/
وانا بمرر دعوة التخييييييييط دى لكل البلوجرية المشاغبين

مصر اليوم

ينتابنى شعور بالاشمئزاز ازاء المثقفين الذين يملاءون الارض ضجيجا عن اهميه قبول الغرب وبناء جسور للعبور والتواصل بين حضارتين الشرق والغرب وهم فى الواقع ير فضون كل من يخالف وجه نظرهم فى الداخل ويعتبرونه جاهل وتتوالى السباب والشتام على من يخالف ارائهم وننتهى الى ان كل فريق متكسك بوجه نظره نفس ما ينطبق عليهم ينطبق على الاحزاب السياسيه فى مصر عن تناقض وعدم قبولها للاخر
التجمع اللى المفروض انه معارضه آثر انه يقف بجانب الدوله للقضاء على الاخوان وبعدين يرجع يعارضها بنائا على وجه نظر سخيفه وهى الدفاع عن الدوله العلمانيه والناصرى اللى بيتكلم عن الديمقراطيه واسقاط مبارك رئيس حزبه متولى الرئاسه من يوم انشاء الحزب منتهى التناقض و تلك الاحزاب الليبراليه التى اخذت تمويل من جانب رجال اعمال لم ياخذ1وا نصيبهم من كعكه مبارك التى انغلقت على لجنه السياسات نجدهم الان يكتبون عن نضالات العمال وعن الفقر ولو اتاحت لهم الفرصه لما تغير شى فى الواقع الا اننا نجد اسم نصير مكان عز مثلا واما اليسار الذى هو فى الواقع ايدلوجيته تصب فى صالح الطبقات الكادحه نجده متشرذم فذلك يسار ديمقراطى واخر استالينى وذلك ماركسى وعند محاوله جمعهم نجد نفس السباب عند اختلافهم
فما يجرى على الساحه السياسيه الان هو مسرحيه هزليه تصب فى لمصلحه الحزب الحاكم بحرسه الجديد الذى استفاد من ذلك التفكك وتلك الروى الانعزاليه والنظره الفرديه للامور
لو اننا حقا نرفض الحزب الوطنى والحكم الشمولى الديكتاتورى ونريد القائه فى مزبله التاريخ هناك طريقتين
الاولى وجود حزب جماهيرى قوى يقود الشعب كما هو الحال فى لبنان وكيف ان حزب الله يملك شعبيه جارفه من المواطنين لو قرر اسقاط الحكومه لفعل
الثانيه نترك خلافاتنا وراء ظهورنا و تتحالف كل القوى وتشكيل جبهه واحده قدم بقدم وكتف بكتف كالبنيان المرصوص ضد ذلك ذلك النظام الفاشى وعندها سيثق بنا الشعب وعند ذلك فقط سيكتب لنا الانتصار و اعتقد ان مصر اقرب لها هذا الحل عن الاولى لعدم وجود حزب له مثل هذه الشعبيه وان كان الاخوان الاقرب الى انشاء حزب جمهيرى الا ان سياسياته توضح انه دائما يحب ان يظهر بمظهر الضعيف الذى تنفترسه الحكومه وتعتقل كوادرهم وهم لايسطتيعون عمل شى الا الدعاء !!!
هذا والا ستقوم ثوره شعبيه لايعرف مداها الا الله ولعدم وجود حزب ثورى يحرك الجماهير ستاكل الاخضر واليابس فى مصر وهذا مالايرضاه احد

عندما تعلمنا البرولتاريا

يمكننا تقسيم الشباب المصرى وعلاقته بسياسه الى ثلاث اطراف ذلك الشاب الذى يرى ان لاامل فى اصلاح احوال البلاد الا بتحركه ونضاله وذلك الذى يقول انا قابض على الجمر وسوف اصلح نفسى ولو فسد العالم حولى
واخر يرى النضال مضى زمنه بلا عوده واننا فقدنا روح النضال وان المصرى الذى صرخ عند زياده طفيفه للاسعار فى 77 ليس هو الموجود الان برغم من الارتفاع السافر للاسعار وكاننا اصبحنا فاجاه اغنياء
ويمكن ان نعدد اسباب ذلك الانقسام فى الروى ل
اولا دور الاهل فى تحريض الاطفال على عدم الخوض فى السياسه وانها تعنى تعذيب وقهر ليس له داعى وفى الاخر هيحصل اللى عاوزه الحكومه طيب تتعب نفسك وتبهدل اهلك معاك
ثانيا المناهج الدراسيه من اول الابتدائيه للثانويه لاتتكلم عن السياسه.. التاريخ محذوف اغلبه.. الدين غير مهم عند الوزاره لا سياسه ولا تاريخ ولا دين عايزنا نكون مسخ
ثالثا التباعد بين الجنسين فى الثانويه والاعداديه يجعل الطالبه فى الجامعه همهم وشغلهم الشاغل التعرف على الطرف الاخر ونمشى فى الجامعه اتنين اتنين ومش مهم الدوله ومش مهم الحريه ومش مهم الكرامه حتى اللى بدرسوا فى الجامعه مش مهم انا جى اعيش يومين وهسيب ام الجامعه انتا عاوز مشاكل ليه
رابعا اللى ملوش فى الجنس يجى بالمخدرات ان المئات من الطلاب يدخنون يوميا مخدرات داخل الحرم الجامعى ولا يتعرض لهم الامن فى حين يتعرض لما يهتف اويقف على معرض ويوزع منشور
خامسا دور الاحزاب فى الجامعات مش موجود الا الوطنى طبعا وذلك بنائا على اللائحة التى تمنع العمل السياسى للطالبه تلك اللائحه التى عدلت الان ولم يحصل عليها احد بعد التعديله.. منتهى الشفافيه

سادسا الامن اله القتل الاولى وسلاح الحكومه الذى لم يخيب وما نراه من تعذيب وقتل لابرياء و مدنيين قبل السياسيين

وبما ان البرولتاريا هى المعلم وهم طليعه الشعب فى النضال الانسانى فقد كانوا اصحاب المبادرة ب
اضراب عمال غزل المحلة الكبرى وبلغ عدد العمال 27000 عامل فى 7-12- 2006 واكثر من 10000عامل يسحبون الثقة من اللجنة النقابية ومجلس الادارة 0
اضراب الترسانة النيلية بقنا وهى احد شركات هيئة قنا السويس بتاريخ 22-1-2007
اضراب اسمنت حلوان وطرة كان1300عامل واعتصموا يوم 19_12_2006
اضراب سائقى السكة الحديد اليوم 20_1_2007وكان عدد السائقين المضربين عن العمل 300سائق كما دخل سائقون مترو الانفاق فى التباطئ تضامنا مع زملائهم0
اضراب غزل شبين الكوم فى 4-2-2007وكان 4500عامل0
اضراب غزل رفيع بكفر الدوار اليوم3_2_2007وعدد المضربين 1100عامل
اضراب الدلتا للغزل بزفتى يوم 4 _2_ 2007
اضراب عمال الزراعة باسوس بتاريخ 5-2-2007
اعتصام عمال اشركة المصرية للغزل اسبيتكو وبلانكو بالسكندرية يوم 17-2-2007
اضراب شركة غزل ميت غمرفى 14-2-2007وكان 3000عامل
اضراب شركة النظافة بكفر الدوار 1-3-2007وكان 3000عامل
اضرابعمال وغزل السيوف بالسكندرية12-3-2007وكان اكثر من 1000عامل
اضراب عمال المعدات التليفزيونية بالمعصرة25-2-2007 اضراب 310عامل
اضراب شركة بولفارا بالاسكندرية 19-3-2007اضراب 5000عامل ولم يتم تسجيل الاضرابات والاعتصامات خلال اشهر النصف الثانى من مارس – ابريل – مايو – يونيو – يوليو –اغسطس لانها تقريبا يوميا على مستوى مصر

ليقتدى بهم الشعب واختم بمقوله رفيق
الشرعية الوحيدة التى يعطيها لنا هذا النظام ....هو شرعية الثورة علية

كادر المعلمين

ان كادر المعلمين الذىاقر كمحاوله لقضاء على الدروس الخصوصيه وسمعنا عن قيام بعض المهنيين بالاضراب والتظاهر (اضراب معلمين الازهر) لاجل المعامله بالمثل وبهذا كله سالنا احد المدرسين عن حكايه كادر المعلميين ؟ٌ قال احد المدرسين ان الكادر لايقدم حل للدروس الخصوصيه لان الكادر الذى يقاتل المعلمين لنيله هو فى الحقيقه نصف الاساسى
طلبنا منه التوضيح
فقال انا مثلا مرتبى الاساسى 250 جنيه يضاف اليه حوافز وبدلات وحوافز درجه ليصبح الاجمالى 450 جنيها علما بانى اقوم بالتدريس منذ عشره اعوام ليصل مرتبى الى هذا الحد فان مرتبى الحالى سيكون 450 + 120 كادر=570 جنيها هذا مرتبى وانا مدرس اول فى مدرسه فنيه واولادى فى الثانويه وبنتى على وش جواز فكيف ادبر حالى فى ظل غول الاسعار كما انه الى الان لم يتم صرف الكادر الا عن الاطباء اما نحن فلم نستلم شى
اذا المساله عباره عن مخدر بسيط للمشكله فلماذا اذا قمتما بمثل هذه الاضربات للحصول على الكادر
فقال: هى خطوة بعدها خطوات وبعدين اللى يجى منهم احسن منهم
فسالنا استاذ اخر عن الكادر
فقال ان المعلمين اكثر الناس المطحونه فكل المنتسبين للنقابات لها حقوق الا احنا
المصايف عندنا اغلى من اى نقابه اخرى وانا اتحدك لو وجت نقابه مصايفها اغلى مننا وبعدين كل نقابه لها15يوم اجازه مصيف الا احنا 10 بس
وبعدين الحوافز احنا بناخذ ربع الاساسى اما باقى النقابات 100%من الاساسى
وبعدين لو انت عندك رصيد اجازات وجاء وقت المعاش فالعادى فى كل النقابات وجود ورقه تثبت ذلك ثم يصرف له حق الا نحن يجب ان نرفع قضيه على الدوله واكسبها علشان اخذ الرصيد اللى المحامى هياخذ نصفه كل ذلك يجعل المعلمين يعيشون على الدروس الخصوصيه هنروح بعيد ليه السنادى طلع قرار بان شهر 7و8 الاجازه بالحوافز وبعد ماالناس اخذوا الاجازات القرار اتلغى
واليوم الكادر بدل ما كان50% من الاساسى اصبح 30% فقط
وفى النهايه كان هذا راى بعض المعلمين ووجدنا ان القهر يمس الكل وان هذا النظام لاينفع معه اصلاح فهو يحتاج الى format وبعدين setup

من جديد

ماذا تعرف عن النوبيين

اعتقد اننا جميعا نسمع عن النوبيين نتقابل معهم نصادقهم نحب فيهم الاصاله نحب الفلكلور النوبى فى الافراح اما اذا سالنا نفسنا عن تاريخهم حضارتهم تراثهم لانعرف عن ذلك شى

ان بلاد النوبه يرجع تاريخها للعصر الحجرى وكانت تلك البلاد قائمه بين مصر الفرعونيه والسودان وكان يطلق عليهم بلاد القوس لبراعتهم فى الرمايه

اول بلد تخترع اللغه الا انها لم تكتبها كما فعلا الفراعنه وذلك هو السبب فى عدم وجود مؤرخ نوبى هذا بالاضافه الى ان المؤرخين العرب قد تجاهلوا تلك الحضاره الامر الذى جعل التاريخ النوبى فى ايدى مؤرخين اجانب عرفوا النوبه كحضاره رائعه بكل المقاييس

الا ان الحكومه المصريه على اختلاف مراحلها قد اتفقت جميعها على تجاهل النوبه كحضاره وذلك لاسباب سياسيه يعرفها الصغير قبل الكبيروعلى النقيض نجد الغرب يقر بعظمه تلك الحضاره ويتفانى فى رسم حدودها ما بين مصر والسودان وان كان ذلك بغرض الانفصال عن مصر والسودان وعوده بلاد النوبه الى الحياه

ولحصر مشاكل النوبيين نحصرها فى ثلاث نقاط رئيسيه

اولها التهجيروعدم صرف تعويضات لذلك التهجير او حتى اقرار بحق العوده كما حدث اثناء تهجير اهل سيناء فى 67 واعطائهم الاولويه فى العوده الى القنال وصرف تعويضات

لقد استفاد كل مصرى من السد ام النوبيين فلم يستفيدوا الا بالتضحيه بقبور اجدادهم كطعام للسمك فى بحيرة النوبه التى اطلق عليها بحيره ناصر

ثانيها تجاهل الحضاره النوبيه فى نشر تراثها وثقافتها ومزج كثير من الاثار النوبيه ونسبها الى الفراعنه

ثالثها الجهل فبعد ان كانت بلاد النوبه مهد الحضارات اصبحت الان فى جهل متعمد فالمدارس ليس فى كل القرىوندره مدارس الثانويه العامه متمثله فى مدرسه لكل خمسه قرى الامر الذى يجعل التعليم الجامعى امر تعجيزى

والنقطه الاخيره التى تزعج النوبيين بشده هو هو تصوير النوبيين بانهم يعملون كبوابين او خدم منازل وما الى ذلك الواقع ان ذلك وان قد حدث لاجدادهم وابائهم فذلك لايعد عار اوخزى

الا انه والان عدد النوبيين الذين يشتغلون فى تلك الاعمال صغير للغايه اصلا عدد النوبيين الذين يعملون فى مصر لايتعدا العشر

وعليه يجب تغيير تلك النظره فالنوبى دائما خادم فكره سخيفه

واعتقد ان تحقيق تلك المطالب يعتبر ادنى تقدير لتلك الحضاره

والا قد يحدث كما حدث فى السودان عام 2004 عندما بلغت الامور مداها بظهور تنظيم مسلح يدعى حركه كوش انطلاقا من شمال السودان يطالب بحقوق النوبيين ويهدد بمجابهه عسكريه وينفى فى الوقت نفسه اى علاقه بينه وبين اسرائيل او الولايات المتحده اعتقد اننا جميعا لانريد ذلك وكفانا تفرقا

حوار مع صديقى المخبر

عندما بدات نشاطى السياسى فى الجامعه وللعلم كانت البدايه متاخره حيث انى لم ابدء الا فى عامى الاخير فى الكليه وبمصارحه اصدقائى انقسموا الى فريقين مابين معارض للفكره وطائفه اخرى تقول بان مافعلته صواب ولكن العقل يقول الا نلقى بانفسنا الى التهلكه ولا تهلكه اكبر من النظام القمعى المتسلط واله قتله المتمثله فى الداخليه

الا انه من بين المعارضين وجدت من يزيد فى معارضته لموقفى كالمجنون ولو كان فى استطاعته منعى بالقوة لفعل

وبعد ذلك بايام وجيزه اتى الى معرض من معارضى فى الجامعه واخذ يحدث من يقف على المعرض بانى مطارد امنيا على سبيل الهزار الا انى وجد فى عنيه رغبه اكيدا بان لايقرب احد الى معرضى فدخل الشك فوادىواكتشفت امرا اخر زاد عندى الشك انه لم يدفع المصاريف الجامعيه من عامه الاول الى الان ومع ذلك تظهر نتيجته وكان كلمه محجوبه لمن لم يدفع المصاريف هى لنا فقط

ومن هنا قررت ان اواجه هذا الصديق بشكوكى وبعد شد وجذب اعترف لى بانه مخبر امن واجريت معه حوار

وكان الحوار كالاتى

انجلز:كيف جاءت بدايتك كمخبر؟

صديقى المخبر:تبدا القصه بان احد اصدقائى وانا فى اول جامعه قلى انه هيتخانق وطلب منى انى اكون معاه فى الخناقه وبعدين لقيت كذا نفرقفلت الجاكت بيتاعى كويس علشان الخناقه وكان معايا مفك وعند الاشتباك كان صديقى اللى انا اصلا بتخانق علشانه فص ملح وداب ومن هنا رحنا القسم وبعدين واحد مش هقول اسموه ولا رتبته سومنى على انى اشتغل مخبر فى الجامعه ياما اتحبس خصوصا انى عملت للواد عاهه فوفقت من الخوف الا ان العائد المادى هو اللى خلانى استمر الى الان

انجلز :طيب العائد المادى للمخبر فغى الجامعه كام

صديقى المخبر:والله من 500 الى 3000 جنيه كل واحدعلى حسب شغله

انجلز:طيب الفلوس دى منين

صديقى المخبر: معرفش من صندوق الاتحاد من الشئون من المخابرات والله معرفش ومش مهم اعرف

انجلز: طيب ايه هى مهام المخبر

صديقى المخبر: طبعا كل الناس بتتكلم فى السياسه بس كلام ناس عن ناس يفرق ومن هنا ببلغ عنه وخصوصا لو لاقيت معرض زى

معارض الاخوان كده او قعده شباب شكيت فيها وما الى ذلك

انجلز: انا مش هقولك الدين قال ايه على التجسس بس انا عاوز اعرف لما بتشوف الاخوان او الشيوعيين او الليبراليين او اى حد عاوز يغير البلد للاحسن بيتعذب علشان ناس زيكم بلغوا عنهم علشان شويه فلوس مش بتكره نفسك

صديقى المخبر: يعم اخوان مين دول ناس بيتكلموا بالدين علشان ياخدوا الحكم بس ده كل هدفهم يعنى مش الله ورسوله زى مبيقولوا والشيوعيين كفرا وملحدين يولعوا بجاز والحاجه التالته اللى انت قلت عليها دى معرفش عنها حاجه

انجلز: اسمحلى انت بتبرر لنفسك علشان تحلل الفلوس اللى بتخدها حتىلو الاخوان زى منتا بتقول يبقى القياده هى اللى كده الشباب دول فعلا مصدقين الشعارات دى يبقى وجبك انك تفهمهم مش تبلغ عنهم والشيوعيين انت باى حق تكفرهم دول فيهم مسلمين اقوى منك تدين وانت ليه بتقارن بين الاسلام والشيوعيه دى ديانه وده نظام اقتصادى يعنى ينفع اقول الفرق بين الراسماليه والمسحيه طبعا لا يعم حتى لو الاخوان عاوزين الحكم والشيوعيين كفار انت ازاى بتنام وانت السبب فى تعذيب انسان كل قرش من الفلوس اللى بتخدها متغرقه بدم وظلم وقهر والسبب انت رغم انهم اصلا بيعملوا كدا علشانك انت وعلشان الخيروالسلام الاجتماعى للجميع

صديقى المخر: اصلك مش عارف ظروفى الاقتصاديه

انجلز: مين قلك انى مشس عارف وهى الناس دى بتعمل معارض وبتعمل مظاهرات واعتصامات ..العمال بتعمل اضربات ليه معلشان الظروف الاقتصاديه

(وبعد كده استاذن ومشى من غير ميكمل الحوار معرفش معجبوش الكلام ولا اثر فيه بس الايام القادمه هى من ستجاوب على هذا السوال)

عايزين نوصل لخط الفقر

قبل ما نبتدى ونقول نسمع العمال بتقول اية بعدين نتكلم :

حركة عمال من اجل التغيير

حركة عمالية مستقلة

--عايزين نوصل لخط الفقر

اخيرا تذكرت الدولة ما يسمى بالحد الادنى للاجور بعد اربعة سنوات من صدور قانون العمل 12 لسنة 2003 وتشكيل المجلس القومى للاجور وفقا لة والذى كان من شأنة ان يقرر الحد الادنى للاجور ويراجعة دوريا للحفاظ على التوازن مابين الاجور والأسعار .مناقشة الحد الادنى للأجور واقتراح تحريكة لم تأت الا بعد اقوى إضرابات عمالية تشهدها مصر منذ نصف قرن والتى شارك فيها ما لايقل عن 200 إلف عامل في اغلب القطاعات والمحافظات ، حتى اصبحت بحق مرحلة جديدة فى الحركة العمالية .وقد تنبهت الدولة الى ان المحرك الاساسى لهذة الاضرابات كان الاجر سواء الاساسى او المتغير .اضرابات العمال الهمت قطاعات اخرى من الاجراء فى مصر فتحرك المدرسين للمطالبة بالكادر الخاص وبعدها طلب معلمى الازهر ثم الاطباء ، مما جعلى قضية الاجر قضية مهمة من حيث رفع سعر قوة العمل الى قيمتها الحقيقية وتناسبهامع تكاليف الحياة ، لقد اصبحت قضية سيكون لأهمالها عواقب يصعب التنيؤ بها.ورغم انتباة الدولة لقضية الحد الادنى للاجور على خلفية الاضرابات العمالية ، الا انها كعادتها قررت التعامل معها بمنطق الخداع وليس العلاج الحقيقى .فالمقترحات التى تتم مناقشتها لوضع الحد الادنى للاجور اثنان، احدهم يتقدم ب219 جنية شهريا كحد اجنى للاجور والآخر 310 جنية شهريا . وعلى الرغم من ان هذة المقترحات تزيد على الحد الادنى المعمول بة حاليا حوالى 90 جنية شهريا . الا انها تقل عن الحد الادنى للاجور الفعلى فالبنسبة للاجور عموما سواء فى القطاع الخاص او العام لا تقل عن هذا الحد واحيانا تتجاوزة ، وسيكون الفارق الوحيد ليس ما يتقاضاة العامل ولكن ما يسجل فى التأمينات ، فعادة الاجر المؤمن علية اقل من الاجر الفعلى الذى يتقاضاة العامل . اى ان رفع الحد الادنى للاجور لن ينعكس على ما يتقاضاة العامل بالفعل من اجر .الجانب الثانى وهو الاهم والجوهر الحقيقى لهذة الاقتراحات انها تشترط خفض حصة صاحب العمل من التامينات الاجتماعية ، بحيث لا يؤثر رفع الحد الادنى للاجور سواء فيما يدفعة بالفعل للعامل او ما يدفعة للتأمينات . كذلك لن يستفيد العامل من رفع الحد الادنى للأجر فيما يتقاضاة شهريا ، هكذا قررت الدولة مناقشة الحد الادنى للأجور ، صاحب العمل لن يدفع والعامل لن يأخذ !.والسؤال الان هل ما تقدمة اقتراحات الحد الادنى للاجور واقعية بالنسبة لمستويات المعيشة ؟ ولنأخذ الاقتراح الاكبر 310 جنية شهريا ، اذا تحدثنا عن تكاليف المعيشة الفعلية فان هذا المبلغ لن يسد بند واحد من بنود التكاليف ( السكن - التعليم- الغذاء-الكساء-العلاج) واذا تم حساب تكاليف الحياة بالنسبة لأصغر اسرة ممكنة اى ثلاثة افراد فان التكاليف الفعلية فى حدها الادنى ستتجاوز 1500 جنية شهريا اى حوالى خمسة اضعاف المبلغ المقترح .ولكن اذا وضعنا فى الاعتبار ان ما يتم مناقشتة هو الحد الادنى للأجر والذى من المفترض ان يرتفع سنويا بالعلاوات الدورية وان يضاف الية شهريا مكآفئات وحوافز وساعات عمل اضافية فان اقترحا منطقيا ومتواضعا للغاية يسهل الدفاع عنة . هذا الاقتراح يستند الى خط الفقر المعتمد دوليا وهو دولارين فى اليوم للفرد ، فالأمم المتحدة تعتبر ان الشخص الذى يعيش على اقل من دولارين تحت خط الفقر الاعلى ، ومطلب ان يعيش العامل على خط الفقر وليس فوقة او تحتة يبدوا متواضعا جدا . واذا اخذنا فى الاعتبار معدل الاعالة الوارد بتقرير التنمية البشرية وهو 1:2,7 اى ان كل شخص يعول 7: 2 شخص لا يعمل فان الاجر الذى يتقاضاة العامل سيعيش علية على اقل تقدير ثلاثة افراد اى اننا نحتاج حد ادنى للأجور يبقى ثلاثة افراد على خط الفقر الاعلى اى ستة دولارات يوميا ، وباسعار الدولار الجارية فان الحد الادنى للاجور يجب ان لا يقل عن 1200 جنية حتى يتمكن العامل من الحياة هو ومن يعولهم على خط الفقر الاعلى .الحسبة التى نقدمها غاية فى التواضع ولا تعتمد سوى على ارقام معتمدة دوليا ولا نبالغ فى اى شىء خاصة اذا عرفنا ان ساعات العمل فى مصر هى من اعلى ساعات العمل فى العالم وتصل حسب ارقام الجاهز المركزى للتعبئة العامة والاحصاء الى 56 ساعة اسبوعيا بينما لا تتجاوز فى الدول المثيلة 48 ساعة اسبوعيا حسب تقرير النك الدولى ولكننا نستطيع ان نجعل المقترح اكثر تواضعا باعتبار ان الحد الادنى للاجر سيكون اقل مما يتقاضاة العامل فعليا ، فالحد الادنى هو ما يسجل فى التامينات الاجتماعية وبمكن ان يضاف الية المتغير الى الشامل 40% فان اقل حد ادنى للاجور على الاطلاق يجب ان لا ينخفض عن 700 جنية شهريا وهو الحد الذى يضع فى اعتبارة انة بعد اضافة الاجر المتغير سيتمكن العامل من البقاء مجازيا لخط الفقر لا فوقة ولا تحتة .طبعا بامكان الدولة دائما ان تتجاهل الحقائق والاوضاع المزرية التى يعيشها العامل ولكن اضرابات العمال وضحت ان نتيجة هذا التجاهل لن يكون اقل تكلفة من وضع حد ادنى انسانى للأجور.نطالبكم بوضعنا على × 3 افراد = 6 دولار × 30 يوم = 1 80 دولار = 1200 جنية شهريا .حركة عمال من اجل التغيير